მოამზადეთ ყველა საჭირო ინგრედიენტი. თუ სკუმბრია გაყინულია, წინასწარ გაალღვეთ, მაგრამ ბოლომდე არა - მსუბუქად გაყინული თევზის ფილედ დაჭრა ბევრად უფრო ადვილია. გაასუფთავეთ თევზი შიგნეულობისგან, მოაჭერით თავი და ფარფლები. აუცილებლად გამოაცალეთ მუცელში არსებული შავი ფენა, რადგან მას სიმწარე ახასიათებს. გაჭერით ტანი ზურგამდე, ორივე მხრიდან ფრთხილად ამოჭერით ხერხემალი ისე, რომ თევზი წიგნივით გაიშალოს. ხახვი დაჭერით ფრთებად ან ნახევარრკალებად და გადაიტანეთ ღრმა ჯამში. დაამატეთ სოიოს სოუსი, შაქარი, ლიმონის წვენი, მცენარეული ზეთი, დაფქული პილპილი და მარილი გემოვნებით. ხელით კარგად დაფქვით (დასრისეთ), რომ ხახვმა წვენი გამოუშვას. მარინადში ჩადეთ სკუმბრიის ფილე და მსუბუქად დაამასაჟეთ რბილობი, რომ სოუსი ღრმად ჩაუჯდეს. გააჩერეთ სკუმბრია ამ მდგომარეობაში დაახლოებით 2 საათი ოთახის ტემპერატურაზე, ან შედგით მაცივარში (თუ დამარინადების დროს ზრდით). პროცესში თევზი რამდენჯერმე გადააბრუნეთ. სანამ თევზი მარინადდება, დაანთეთ ცეცხლი. შეშა მანგალში ისე მოათავსეთ, რომ დაიწვას და გავარვარებული ნახშირი მიიღოთ. ფილე დააწყვეთ ბადეზე და შედგით მანგალზე. შეწვით სკუმბრია დროდადრო გადაბრუნებით. შეწვის ხანგრძლივობა დამოკიდებულია ნახშირის ტემპერატურაზე და საშუალოდ 15-20 წუთი სჭირდება. როდესაც თევზი ოქროსფერი გახდება, მზადაა! გადმოიღეთ მზა სკუმბრია ლანგარზე და მიიტანეთ სუფრასთან. თევზს ძალიან უხდება კარტოფილი და ახალი ბოსტნეული.
