კრემი: ქვაბში ჩაყარეთ შაქარი, ფქვილი, ვანილი. დაამატეთ რძე და კარგად გახსენით. დადგით დაბალ ცეცხლზე და მუდმივი მორევით მიიყვანეთ ადუღებამდე. მას შემდეგ რაც კრემი გასქელდება, დაამატეთ კარაქი (სასურველია „შატილის“) და კარგად მოურიეთ, სანამ კარაქი არ გაადნება. მზა კრემი მიქსერით კარგად ათქვიფეთ და შედგით მაცივარში გასაცივებლად. შიგთავსი: ვაშლატამა დაჭერით კუბიკებად. დაამატეთ შაქარი, ვანილი და კონიაკი. ბისკვიტი: ათქვიფეთ 10 კვერცხი 10 სუფრის კოვზ შაქართან ერთად. დაამატეთ 11 სუფრის კოვზი ფქვილი და ვანილი, ფრთხილად აურიეთ (უმჯობესია ხის კოვზით). გადაიტანეთ ცომი ცხიმწასმულ ფორმაში და გამოაცხვეთ 150 გრადუსზე, დაახლოებით 1 საათი და 10 წუთი. აწყობა: მზა ბისკვიტი გაჭერით ორ ნაწილად. ქვედა ფენას წაუსვით კრემი, მოაყარეთ დაჭრილი ვაშლატამა და გადააფარეთ ბისკვიტის მეორე ფენა. ზემოდან და გვერდებზე გადაუსვით დარჩენილი კრემი და შედგით მაცივარში დასასტაბილურებლად (ბოლო საათი საყინულეში). მორთეთ კენკრით და ყვავილებით.
