ღორის ხორცი დაჭერით საშუალო ზომის ნაჭრებად და მოათავსეთ წინასწარ გახურებულ ქვაბში ან ტაფაში (ზეთით). დაბრაწეთ ხორცი კარგად. ხორცი რომ დაიბრაწება, დაამატეთ წვრილად დაჭრილი ხახვი და ერთად შუშეთ. სანამ ხორცი შუშდება, დაჭერით ბოსტნეული: სტაფილო და ბულგარული წიწაკა კუბებად, ხოლო მწარე წიწაკა - წვრილად. პომიდორი გახეხეთ სახეხზე (კანი მოაცილეთ) და მიღებული მასა გამოიყენეთ სოუსისთვის. როცა ხახვი კარგად მოიშუშება, დაამატეთ დაჭრილი სტაფილო, ბულგარული წიწაკა და მწარე წიწაკა. ბოსტნეულის შემდეგ დაამატეთ კუბებად დაჭრილი კარტოფილი. დაამატეთ გახეხილი პომიდორი (და ტომატის პასტა, სურვილისამებრ), მარილი და შავი პილპილი. დაახურეთ თავსახური და შუშეთ დაბალ ცეცხლზე, სანამ ყველა ინგრედიენტი ბოლომდე არ დარბილდება და არ შეერწყმება ერთმანეთს. ბოლოს კერძს მოაყარეთ წვრილად დაჭრილი მწვანილი (ოხრახუში, ქინძი).
