კარგად გაცხელებულ ზეთში მოთუშეთ დაჭრილი ქათმის ფილე 10 წუთის განმავლობაში, სანამ ოქროსფერს არ მიიღებს. დაუმატეთ დაჭრილი ხახვი, ჩხირებად დაჭრილი სტაფილო, სუნელები და თუშეთ კიდევ 10 წუთი. დაასხით მდუღარე წყალი ისე, რომ ხორცი დაიფაროს და ხარშეთ დაბალ ცეცხლზე 20 წუთი. ჩაყარეთ კარგად გარეცხილი ბრინჯი (წყალი ბრინჯზე 2 სმ-ით მაღლა უნდა იყოს). შუაგულში ჩააწყვეთ მთლიანი ნივრის თავები. დაახურეთ თავსახური და ხარშეთ 10-15 წუთი, სანამ ბრინჯი წყალს სრულად არ შეიწოვს. ამოურიეთ მხოლოდ სუფრასთან მიტანის წინ.
