პირველ რიგში ვააქტიურებთ საფუარს: 140მლ. თბილ რძეს ვუმატებთ 2ს/კ. შაქარს, საფუარს 1ს/კ, მწ. მარილს და 2ს/კ. ფქვილს. ეს მასა გავაერთიანოთ, გადავაკრათ საკვები ცელოფანი და დავაყოვნოთ 10 წუთით. როდესაც მასა ამოფუვდება ვამატებთ კვერცხს, ვანილს და ფქვილს (შეიძლება ოდნავ მეტი დაგჭირდეთ). ვზელთ ელასტიურ ცომს. ბოლოს კი ვამატებთ დარბილებულ კარაქს. მოვზილოთ კარგად დაახლოებით 10-15 წუთით, მანამ, სანამ ცომი დამყოლი და ელასტიური არ გახდება. მიღებულ ცომს გადავაკრათ საკვები ცელოფანი და დავაყოვნოთ თბილ ადგილას დაახლოებით 1 საათით, მანამ, სანამ ცომი არ გაორმაგდება. ამოფუებული ცომი დავყოთ 12 ნაწილად და თითოეული დავაგუნდაოთ. დაგუნდავებული ცომი მოვათავსოთ პერგამენტის ქაღალდზე, ბურთები ხელით დავპრესოთ (ისე, როგორც კადრში ხედავთ), გადავაფაროთ და დავაყოვნოთ 30 წუთით. პერგამენტის ქაღალდი ამოვჭრათ ისე, როგორც კადრში ხედავთ და შევწვათ ზეთში ორივე მხრიდან. (ან შეგიძლიათ ბურთები უკვე ამოჭრილ პერგამენტის ქაღალდზე მოათავსოთ). დონატები ამოვავლოთ შაქარში, გავუკეთოთ ღრმულები და ამოვავსოთ მოხარშული კრემით. კრემის მომზადება: კვერცხი და შაქარი მსუბუქად გავთქვიფოთ, დავუმატოთ ოთახის ტემპერატურის რძე, ფქვილი და კარგად ამოვურიოთ. შემოვდგათ დაბალ ცეცხლზე და ვურიოთ შესქელებამდე.გადმოვდგათ ცეცხლიდან, დავუმატოთ ვანილი და კუბებად დაჭრილი კარაქი. კარგად ამოვურიოთ, ერთგვაროვანი მასის მიღებამდე. გადავიტანოთ ცალკე ჯამში, გადავაფაროთ საკვები ცელოფანი და კარგად გავაგრილოთ დაახლოებით 2 საათით. შემდეგ კი გავთქვიფოთ მიქსერით და კრემიც მზადაა. გემრიელად მიირთვით!
