28 სმ დიამეტრის ტაფაზე დაბალ ცეცხლზე (გამანაწილებელზე) დავადნოთ კარაქი და ზეთი. როცა გადნება, დავაყაროთ შაქარი და ვანილი, კარგად მოვურიოთ და გამოვრთოთ ცეცხლი. სანამ მასა ცხელია, მორევით გავადნოთ შაქარი. შემდეგ დავამატოთ რძე და კვერცხები, კარგად გავხსნათ ერთგვაროვან მასამდე. ბოლოს ჩავაყაროთ ფქვილი, გამაფხვიერებელი და კაკაო, ამ ყველაფერს ტაფაშივე ვამზადებ. გვერდები მოვუსუფთავეთ, დავაფაროთ თავსახური და ყველაზე დაბალ ცეცხლზე გამოვაცხოთ. ჩემთან გამოცხობა გაგრძელდა დაახლოებით 1 სთ და 15 წთ. მზაობა შევამოწმოთ ხის ჩხირით. ცხელი ნამცხვარი მსუბუქად დავნამოთ რძეში გახსნილი შოკოლადის ფხვნილით ან უბრალოდ რძით. გაციებული ნამცხვარი გადავიტანოთ ლანგარზე და თავზე წავუსვათ შოკოლადის პასტა — მე ნუტელა გამოვიყენე.იდეალურად ფაფუკი, არომატული და ძალიან მარტივი ტაფის ნამცხვარია!
