"საოცარი ტყემალი მოვხარშეთ..." - გურამ ბაღდოშვილის ძალიან გემრიელი და მარტივი რეცეპტი
ცნობილი შეფ-მზარეული გურამ ბაღდოშვილი სოციალურ ქსელში (Chveni • ჩვენი - ის ფეისბუქ გვერდზე) გვიზიარებს ტყემლის თავისებურ, განსხვავებულ რეცეპტს, რომელიც მთელი წლის განმავლობაში შეინარჩუნებს ზაფხულის საუკეთესო გემოს.
ინგრედიენტები:
- მწვანე ტყემალი;
- სხვადასხვა სახის მწვანილი (კამა, ცერეცო, ომბალო, ბეგქონდარა);
- მწვანე და წითელი ცხარე წიწაკა;
- ნიორი;
- მარილი;
- შაქარი
- ასპირინი (გამოიყენება 1 ლიტრზე 1 ცალი).
მომზადების წესი:
- ტყემალი ჯერ კარგად მოხარშეთ, სანამ არ მიიღებს სასურველ კონსისტენციას.
- ცალკე მოამზადეთ მწვანე საკმაზი, რომელიც შედგება წითელი და მწვანე წიწაკისგან, ომბალოსგან, ბეგქონდარასგან, კამასგან, ცერეცოსგან და ცოტა ტარხუნისგან.
- მოხარშულ ტყემალს დაუმატეთ მარილი, შაქარი (რადგან ტყემალი მჟავეა), მომზადებული საკმაზი და ასპირინი.
- კარგად აურიეთ და ქაფის მოხდის შემდეგ, ცხელი მასა ჩაასხით სტერილიზებულ ქილებში.
- ბოლოს ქილები კარგად მოხუფეთ.