5 ტკბილეული, რომელიც მარხვის დროს შეგიძლიათ მიირთვათ
დიდი მარხვა წლის ყველაზე მკაცრი პერიოდია, რომელიც კვების წესების ზედმიწევნით დაცვას, მათ შორის ჩვეულ დესერტებზე უარის თქმას გულისხმობს. თუმცა, რაციონის გამრავალფეროვნება მაინც შესაძლებელია - წარმოგიდგენთ იმ ტკბილეულის ჩამონათვალს, რომელთა მიღებაც დაშვებულია.
თაფლი და მურაბა
ეს პროდუქტები შეგიძლიათ თამამად გამოიყენოთ ფაფებში ან ჩაისთან ერთად. თუმცა, გახსოვდეთ მათი მაღალი გლიკემიური ინდექსი და ნუ გადააჭარბებთ რაოდენობას.
ჩირი
შავი ქლიავი, კურაგა, ქიშმიში, ფინიკი - ჩირი ვიტამინებისა და მინერალების საბადოა. მაგალითად, დღეში მხოლოდ ორი ფინიკი საკმარისია მიკროელემენტების ბალანსის შესანარჩუნებლად. გაითვალისწინეთ, რომ ჩირი საკმაოდ კალორიულია.
სამარხვო შოკოლადი
შოკოლადის მოყვარულებს შეუძლიათ მიირთვან შავი შოკოლადი, რომელიც მინიმუმ 55%-75% კაკაოს შეიცავს. მთავარია, შემადგენლობაში არ იყოს რძის ფხვნილი ან კარაქი.
სამარხვო ნამცხვრები
ეს არის ცხობის სახეობები კვერცხის, რძისა და კარაქის გარეშე. შეგიძლიათ მოამზადოთ ან შეიძინოთ სამარხვო პიროგები, შვრიის ორცხობილა ან სამარხვო პუდინგები.
ქოქოსის და შვრიის ორცხობილა
მარტივი მოსამზადებელია და იდეალურია ყავასთან.
- დაგჭირდებათ: მწიფე ბანანი, შვრიის ფანტელი, ქოქოსის ფანტელი და ცოტაოდენი სამარხვო მწარე შოკოლადის ნატეხები.
- ეს ყველაფერი აურიეთ, მიეცით ფორმა და გამოაცხვეთ.