კრემიანი ვოლოვანი

15 / 4.27
კრემიანი ვოლოვანი
დრო
1 სთ
ულუფა
20
სირთულე
საშუალო
დაამატე
რეცეპტი
You must have Flash Player installed in order to see this player.
ვოლოვანი ფენოვანი ცომისგან მომზადებული კალათებია, რომლის გულსართადაც შეგვიძლია ნებისმიერი კრემი, ხილი ან სულაც მხალეული, ხორცი და სოკო გამოვიყენოთ. დღეს გთვაზობთ მოხარშული კრემის გულსართიანი ვოლოვანის რეცეპტს.

ინგრედიენტები:
ფენოვანი ცომი
1 შეკვრა
კვერცხი
1 ცალი, ათქვეფილი
კრემისთვის:
რძე
300 მლ
კვერცხის გული
3
შაქარი
80 გ
ფქვილი
40 გ
კარაქი
20 გ
ვანილი
1 შეკვრა
თასში ავთქვიფოთ კვერცხის გულები და შაქარი, დავუმატოთ ფქვილი.

ცალკე ქვაბში ავადუღოთ რძე და თასში ათქვეფილი მასა დავუმატოთ. დაბალ ცეცხლზე შემოვდგათ და კრემს გამუდმებით ვურიოთ, სანამ არ შესქელდება. შემდეგ ქვაბი ცეცხლიდან გადმოვდგათ და დავუმატოთ კარაქი.

სანამ კრემი შეგრილდება, მოვამზადოთ ფენოვანი ცომის კალათები. ფენოვანი ცომი გავაბრტყელოთ ფქვილმოყრილ ზედაპირზე. შემდეგ ჭიქის მეშვეობით გამოვჭრათ მრგვალი ფორმები, უფრო მომცრო ჭიქით კი – რგოლები. ცომის წრეებს წავუსვათ ათქვეფილი კვერცხი, ჩანგლით დავჩხვლიტოთ, რომ ცხობისას ძალიან არ ამოიბურცოს და ზემოდან დავაფაროთ ცომის რგოლი. თუ მაღალი კალათების გამოცხობა გვსურს, მაშინ კიდევ ერთი ან ორი რგოლი დავადოთ, ოღონდ ფენებს შორის და ზემოდანაც გათქვეფილი კვერცხი წავუსვათ, რომ ერთმანეთს კარგად მიეკრას და კალათები ლამაზი გამოვიდეს.

ცომის კალათები შევდგათ საშუალოდ გხურებულ ღუმელში გამოსაცხობად. დაახლოებით 15-20 წუთში, როდესაც კალათები ლამაზ ოქროსფერს მიიღებს, გამოვიღოთ გაზქურიდან.

შეგრილებული კალათები საკონდიტრო ტომრის ან კოვზის მეშვეობით ამოვავსოთ კრემით და მოვრთოთ ნებისმიერი ხილით. ამ შემთხვევაში ჩვენ გაყინული და წინასწარ გამლღვალი მაყვალი გამოვიყენეთ.
დესერტები / ნამცხვარი / კრემიანი ვოლოვანი
ჩემი რეცეპტები
ხელმოწერა
ყოველკვირიანი სიახლეების ელ.ფოსტაზე გამოწერისათვის, გთხოვთ სიახლეებზე ხელმოწერის ფორმა შეავსოთ.